Вологодск өлкәсендә “Гореф-гадәт варислары” III Бөтенроссия халык мәдәнияте балалар фестиваленең финалы булды. Чарага Россия Федерациясенең 34 төбәгеннән 250 бала килде. Татарстан Республикасы данын «Без бергә» республика фестивале җиңүчеләре яклады. Татарстанлылар “Халык киеме”, “Традицияле судно төзелеше”, “Территориянең белем бирү бренды”, “Фольклор” номинацияләрендә призлы урыннар яуладылар.