Лобачевский исемендәге лицей укучысы җыелма команда составында Төбәкара химия турнирында җиңде

2019 елның 11 феврале, дүшәмбе

Борис Ельцин исемендәге Урал федераль университетында 2019 елгы V төбәкара химия турнирының йомгаклау этабы тәмамланды. Финал нәтиҗәләре буенча составына КФУның Н. И. Лобачевский исемендәге лицей укучысы Камилла Волкова кергән команда җиңү яулады.

 Чараны оештыручылар  - МДУның химия факультеты һәм Урал федераль университеты. 2018 - 2019 елда турнирның төбәктә һәм читтән торып үткәрелгән этабында 3600 дән артык укучы катнашты, йомгаклау этабына Россиянең 27 төбәгеннән 200дән артык мәктәп укучысы килде.