Мәктәпләр тәрбиянең модульле программаларын эшлиләр

2019 елның 12 июле, җомга

10 июльдә Дәүләт Думасының Мәгариф һәм фән комитеты каршындагы тәрбия буенча Эксперт советы утырышы узды, анда Россиядә тәрбия системасы – аның хәзерге торышы һәм үсеш перспективалары турында фикер алыштылар. Чарада Россия Мәгариф министрлыгының тәрбия, өстәмә белем бирү һәм балалар ялы өлкәсендә дәүләт сәясәте Департаменты директоры И.А. Михеев катнашты.

Утырышта чыгыш ясап, И. А. Михеев шәхес тәрбияләү һәм үстерү - мәгариф сәясәтенең өстенлекле юнәлешләреннән берсе, дип ассызыклады. Бу өлкәдә төп эш Россия Федерациясендә 2025 елга кадәр тәрбия үсеше стратегиясе кысаларында алып барыла.