9-14 декабрь көннәрендә Республика олимпиада үзәге рус теле һәм әдәбияты буенча Бөтенроссия олимпиадасының төбәк этабы алдыннан укыту-тренировка җыеннары үткәрә.
Җыенга республиканың төрле муниципаль берәмлекләреннән 8-11 нче сыйныф укучылары килде.
Муниципаль этапларда җиңүче һәм призёр булган мәктәп укучылары өчен КФУның ИФМК кафедрасы доцентлары һәм укытучылары «Корпусная грамматика», «Диалектология русского языка», «Толковые словари русского языка» темалары буенча лекцияләр үткәрә. Җыеннар вакытында катнашучылар практик дәресләрдә белемнәрен тикшерәчәк.