Татарстанда иң яхшы 100 шәһәр һәм авыл мәктәбе рейтингы төзелде.
Беренче урынны 131нче лицей (Казан) һәм Казаннан – КФУ карамагындагы IТ-лицей алды. Икенче урында Чаллыдагы 26нчы гимназия.
Рейтингны төзүдә БДИ баллары: рус теленнән, математикадан һәм ирекле сайлаган фәннән гомуми баллар исәпкә алынган. Шулай ук олимпиада җиңүчеләре һәм призерлары һәм аттестат алмаучы укучылар саны да күздә тотылган.
Рейтинг 2016-2017 уку елында белем бирү сыйфатының югары нәтиҗәләрен күрсәткән белем бирү йортлары эшчәнлеген стимуллаштыру һәм алдынгыларны ачыклау юлы белән гомуми белем бирү сыйфатын күтәрү максатыннан төзелгән.