Президент ярышларының республика этабында җиңүчеләр билгеләнде
20-22 майда Актаныш районында “Президент ярышлары” Бөтенроссия спорт ярышларының төбәк этабы финалы узды. Ярышларда Азнакай, Актаныш, Алексеевск, Әлмәт, Баулы, Зәй, Нурлат, Мамадыш, Мөслим, Саба, Сарман, Тәтеш, Чирмешән, Чистай районнарыннан һәм Чаллыдан 16 шәһәр һәм авыл сыйныф-командалары катнашты. Ярышларда катнашучыларның гомуми саны – 144 кеше. Ярышларны ачу тантанасында Актаныш районы башкарма комитеты җитәкчесе Илшат Габделхәев катнашты. Ярышларда катнашучылар:7 сыйныф укучылары, шәһәр сыйныф-командасы – 12 кеше (6 егет һәм 6 кыз), авыл сыйныф-командасы – 6 кеше (3 егет һәм 3 кыз).
Ярышларның спорт программасы:
1. Спорт күптөр ярышлары:
йөгерү 1000 м (егетләр, кызлар);
йөгерү 60 м (егетләр, кызлар);
турникта күтәрелү (үсмерләр);
яткан килеш куллар белән этелеп күтәрелү (кызлар);
"Аркада яткан килеш" хәленнән гәүдәне күтәрү (егетләр, кызлар); урыннан озынлыкка сикерү (егетләр, кызлар);
утырган урыныннан алга таба иелә (егетләр, кызлар).
2. Иҗади конкурс
3. Теоретик конкурс
4. Эстафета йөгерүе
5. Йөзү
Авыл сыйныф-командалары арасында ярышларга йомгак:
1 урын – Зәй районының Сәвәләй урта гомуми белем бирү мәктәбе;
2 урын – Саба районының Изминск урта гомуми белем бирү мәктәбе;
3 урын – Советлар Союзы Герое Хәсән Заманов исемендәге Актаныш кадет мәктәп-интернаты.
Шәһәр сыйныф-командалары арасында ярышлар нәтиҗәләре:
1 урын – Мамадыш шәһәренең 1 нче урта гомуми белем бирү мәктәбе;
2 урын – Азнакай шәһәренең инглиз телен тирәнтен өйрәнүле 5 нче урта гомуми белем бирү мәктәбе;
3 урын – Чаллы шәһәренең 57 нче гимназиясе.
Ярышларда җиңүчеләр республиканы бөтенроссия финалында тәкъдим итәчәк, ул сентябрь аенда Краснодар краенда «Орлёнок» ВДЦ базасында узачак.