Яңа уку елыннан беренче сыйныф укучылары “Күңелле татар теле” дәреслеге буенча укый башлаячак

Әлеге дәреслек, укытучы өчен методик ярдәмлек, язу дәфтәре, ата-аналар өчен китап, мультимедиа чыганакларын үз эченә алган комплект урыс телле балаларны татар теленә өйрәтүне күздә тота. – Бөек рус галиме Менделеев, утын белән тулы мич янып китә алмый, төтенли, дигән. Әлеге акыллы сүзләр бүген урыс телле укучыларны татар теленә өйрәтү системасына туры килә. Комплектны әзерләгәндә балаларның башын артык күп мәгълүмат белән тутырмыйча, җиңел итеп аралашырга өйрәтү бурычы куйдым, – ди РФнең атказанган укытучысы, комплект авторы Роза Хәйдә¬рова. Бу комплект ТР Мәгариф һәм фән министрлыгы заказы буенча әзерләнгән. “Балалар уйнап яшәргә өйрәнгән. Дәреслекне әзерләгәндә менә шуңа игътибар ителде”, – ди автор. Комплект “Татар мультфильмы” берләшмәсе коллективы белән бергәләп әзерләнгән. 500 дән артык визуаль үрнәкләр, композиция¬ләр җиңел итеп аралашырга ярдәм итәчәк. Кайбер мультфильм¬нар махсус эшләнгән. Темаларга килгәндә, башта беренчесен, аннан икенчесен үтәргә дигән мәҗбүрият юк. Укучы әйткән сүзенең дөреслеген интерактив чаралар ярдәмендә тикшереп карый ала. Шулай итеп, ике яклы процесс булдырыла. Мондый комплект “Бә¬ләкәч” программасы ниге¬зендә балалар бакчалары өчен дә төзелгән иде. Аларның икесе дә аралашырга өйрәтәчәк.
Дәреслек Казанның берничә мәктәбендә эксперимент узып, укучылар, ата-аналар тарафыннан уңай бәя алды. “Балалар дәресләрдә, мин, мин... җавап бирәм, – дип кенә тора. Аларны хәтта тыеп калып булмый”, – ди Казанның татар теле һәм әдә¬бияты укытучысы Гөлназ Кәшә¬фетди¬нова.