Сентябрь аенда укучылар күп кенә төбәкләрдә яңа схема буенча һөнәри юнәлеш алачак

2019 елның 4 сентябре, чәршәмбе

Болар барысы да РФ Мәгариф министрлыгы ярдәме белән "Ворлдскиллс России" тормышка ашыра торган "Киләчәккә билет" проекты кысаларында барачак. Проектта 6-11 нче сыйныф укучылары катнашачак. Дөрес, быел экскурсияләр һәм профессиональ пробалар белән киң программаны 36 төбәк укучылары гына карый алачак. Калган барлык укучылар да профориентация тестларын үтә алачак. Моннан тыш, "Киләчәккә билет" интернет-платформасында (анда укучыга проектта катнашу өчен теркәлергә кирәк) тестлардан тыш, катнашучылар өчен белем бирү материаллары, һөнәрләр турында тулырак мәгълүмат һәм хәтта онлайн-курслар да барлыкка килде.