Татарстанда берьюлы ике яңа балалар бакчасы ачылачак

2019 елның 11 сентябре, чәршәмбе

Бүген Татарстанда ике яңа балалар бакчасы ачылачак. Әйтик, Азнакай шәһәрендә тантана «Демография» илкүләм проекты кысаларында төзелгән һәм 220 урынга исәпләнгән 21-нче номерлы «Сандугач» мәктәпкәчә белем бирү учреждениесендә узачак. Яңа объектның гомуми мәйданы 3372,96 кв.метр тәшкил итә. Бинаның беренче катында алты ясле төркеме, азык-төлек блогы, кер юу бүлмәсе, логопед һәм табиб кабинетлары урнашкан. Икенче катта алты төркем, сенсор бүлмәсе, физкультура һәм музыка заллары, татар теле кабинеты урнашкан.