Татарстанда чуаш, удмурт, мари һәм мордва телләрен һәм әдәбиятын иң яхшы белүчеләрне билгеләделәр

2019 елның 27 декабре, җомга

23-25 декабрь көннәрендә Республика олимпиада үзәгенең “Дуслык” комплексы базасында укучыларның туган (чуваш, удмурт, мари, мордва) телләре һәм әдәбияты буенча республика олимпиадасының йомгаклау этабы узды.
Олимпиадада Татарстанның 17 муниципаль берәмлегеннән 9-11 нче сыйныф укучылары катнашты.
Чуаш теле һәм әдәбияты буенча Алексеевск, Аксубай, Буа, Чүпрәле, Түбән Кама, Тәтеш, Чирмешән районнары, мари теле һәм әдәбияты буенча - Актаныш, Әгерҗе, Балтач, Мамадыш, Минзәлә, Мөслим районнары укучылары җиңүче булды. Удмурт теле һәм әдәбияты буенча Әгерҗе, Балтач, Кукмара районнары укучылары яхшы нәтиҗәләр күрсәтте. Мордва теленнән җиңүчеләрне һәм призерларны Бөгелмә һәм Тәтеш районнары укытучылары әзерләгән.