Казанның 15нче татар гимназиясендә парламент дәресен КДЭУ ректоры Эдвард Абдуллаҗанов үткәрде

2020 елның 19 феврале, чәршәмбе

Казанның 15нче татар гимназиясендә парламент дәресен ТР Дәүләт Советы депутаты, КДЭУ ректоры Эдвард Абдуллаҗанов үткәрде.

Укытучылар ролендә шулай ук КДЭУның тәрбия һәм социаль эшләр буенча проректоры Ирина Жукова, югары уку йортына кадәрге белем бирү үзәге директоры Радик Зәйнуллин һәм студентлар иҗтимагый оешмалары лидерлары чыгыш ясады. Гимназия директоры Фәнит Харисов кунакларны тугызынчы, унынчы һәм унберенче сыйныф укучыларына тәкъдим итте. Гадәттә дәресләрдә укытучылар укучыларга сораулар бирә. Парламент дәресе искәрмә булмады.