Бөек Ватан сугышына багышланган Бөтендөнья мәктәп укучылары олимпиадасы башланды

2020 елның 22 феврале, шимбә

Бөек Ватан сугышына багышланган Бөтендөнья мәктәп укучылары олимпиадасы башланды. Анда бөтен дөньядан 10 яшьтән 16 яшькә кадәрге балалар һәм яшүсмерләр катнаша ала.
Олимпиаданың төп максаты - яшь буынның игътибарын 1941-1945 еллардагы тарихи вакыйгаларга җәлеп итү. Чара рус телле аудиториягә исәпләнгән һәм ике юнәлештән тора: төп тест һәм иҗади конкурслар.

Беренче турда катнашу өчен теркәлү 7 мартка кадәр дәвам итә. Икенче онлайн-тур 11 мартта башлана һәм 31 мартка кадәр барачак.