Татарстан фәнни-мәгариф комплексының өч вәкиле 2020 елда приборлар базасын яңартуга 440 млн. сумга кадәр акча алачак

2020 елның 26 феврале, чәршәмбе

Россия Фән һәм югары белем бирү министрлыгы 2020 елда тикшеренү һәм эшкәртүне гамәлгә ашыручы әйдәп баручы оешмаларның приборлар базасын яңарту процессларын финанслау өчен грантлар күләмен билгеләде.
Татарстан фәнни-мәгариф комплексының моңа кадәр «алдынгы оешмалар» категориясенә кертелгән берьюлы өч вәкиле 2020 елда әлеге максатларга 440,9 млн. сумга кадәр акча алачак:
- Казан федераль университеты 211,8 млн. сумга кадәр;
- Россия Фәннәр академиясенең Казан фәнни үзәге - 176,5 млн. сумга кадәр;
- А.Н.Туполев исемендәге Казан милли тикшеренү техник университеты - 52,7 млн. сумга кадәр.