Яшь татарстанлыларны «Минем Росгвардия» конкурсында катнашырга чакыралар

2020 елның 2 марты, дүшәмбе

Яшь татарстанлыларга «Минем Росгвардия» бөтенроссия балалар иҗат конкурсында катнашырга тәкъдим итәләр. Чараны оештыручылар билгеләп үтүенчә, дүртенче тапкыр уздырыла торган конкурсның төп максаты - "балаларны һәм яшүсмерләрне  Ватанны саклаучы һөнәрен үз гаиләсе мисалында иҗади аңлауга җәлеп итү". Бәйгедә катнашырга теләүчеләр кыска хикәя язарга һәм аңа тематик иллюстрация яки фотоколлаж төзергә тиеш.