Мәгариф министрлыгы «Мәктәп - сәламәтлек территориясе» IV Бөтенроссия конкурсында катнашырга чакыра
Җайлаштырылган төп гомуми белем бирү программалары буенча белем бирүче мәктәпләр һәм аларның педагогик хезмәткәрләре «Мәктәп - сәламәтлек территориясе» IV Бөтенроссия конкурсында катнаша ала, ул Россия Федерациясе Мәгариф министрлыгы тарафыннан уздырыла.
Конкурсның максаты - мәктәпләрдә сәламәтләндерү эшенең эчтәлеген һәм формаларын яңарту, балаларның сәламәтлеген саклау һәм ныгыту мәсьәләләренә педагогларның игътибарын җәлеп итү.
Конкурс түбәндәге өч номинация буенча уздырыла:
«Иң яхшы сәламәтлек саклау мәктәбе»;
«Сәламәтлекне саклаучы технологияләр кулланып үткәрелгән иң яхшы дәрес конспекты»;
«Тематик шөгыльнең иң яхшы конспекты».
Конкурсның беренче (региональ) этабы 2020 елның 31 мартыннан да соңга калмыйча тәмамланачак. Икенче (федераль) этап төбәк этабы нәтиҗәләре буенча үткән конкурс эшләре экспертизасыннан торачак.