Арчада полилингваль белем бирү буенча фәнни конференция узды
2020 елның 5 мартында Г.Тукай исемендәге Арча педагогика көллияте базасында «Полилингваль һәм полимәдәни белем: практика һәм перспективалар» темасына Халыкара фәнни-гамәли конференция узды.
Конференция эшендә югары, урта һөнәри, төп гомуми һәм мәктәпкәчә белем бирү оешмаларыннан 240 педагогика хезмәткәрләре катнашты.
Конференциядә катнашучылар түбәндәге мәсьәләләр буенча фикер алыштылар: үсеп килүче буынны полимәдәни диалог һәм милләтара хезмәттәшлек рухында тәрбияләү өлкәсендә федераль һәм төбәк сәясәтен чагылдыру; күпмәдәниятлелек идеяләре һәм яңа белем бирү стандартлары буенча этномәдәни белем бирү; полимәдәни белем бирүнең теоретик-методологик нигезләре; мәдәниятара диалогта толерант полимәдәни шәхес формалаштыру; милли төбәк үзенчәлекләре: мәктәпкәчә яшьтәге балаларга полимәдәни белем бирү; балалар яшендә полимәдәни белем бирү моделе; полимәдәни белем бирүнең һәм полимәдәни тәңгәллек формалаштыруның чит ил тәҗрибәсе.
Конференция кысаларында укыту һәм тәрбия процессының полимәдәни өлешенә багышланган пленар һәм секция утырышлары узды.