МДУ коронавирус аркасында мәктәп олимпиадалары финалларын үткәрү вакытын күчерде

2020 елның 11 марты, чәршәмбе

Мәскәү дәүләт университеты (МДУ) университет базасында һәм төбәк мәйданчыкларында үткәрелә торган мәктәп олимпиадалары финалларын күчерү карарын кабул итте.
Мәскәү университеты, олимпиадаларда катнашучыларның, студентларның һәм университет хезмәткәрләренең сәламәтлеге турында кайгыртып, яңа коронавирус инфекциясе (2019-nCoV) таралу куркынычы һәм әлеге инфекцияне таратуга каршы чаралар куллану белән бәйле рәвештә, Ломоносов исемендәге МДУда һәм төбәк мәйданчыкларында уздырылачак мәктәп укучыларының олимпиадаларының йомгаклау этапларын үткәрү вакытын күчерү турында карар кабул итте.
Олимпиадаларның йомгаклау этапларын уздыруның яңа даталары әлегә билгеле түгел, алар турында барлык катнашучыларга соңрак хәбәр итәчәкләр.