Педагоглар «Россия сәламәтлек укытучысы - 2020» XI Бөтенроссия конкурсында катнашырга чакырыла

2020 елның 20 марты, җомга

Гомуми һәм урта һөнәри белем бирү системасы хезмәткәрләре «Россия сәламәтлек укытучысы - 2020» XI Бөтенроссия конкурсында катнаша ала, ул Россия Федерациясе Мәгариф министрлыгы һәм Дәүләт Думасының Мәгариф һәм фән комитеты ярдәмендә уздырыла.
Конкурс ике этапта үткәрелә. Республика, төбәк һәм өлкә конкурслары (беренче этап) 2020 елның март - сентябрендә, Бөтенроссия финал этабы - 2020 елның 25-27 ноябрендә Сыктывкарда (Коми Республикасы) узачак.
Финал сынауларында катнашуга федерациянең һәр субъектыннан бер катнашучы (беренче этап җиңүчесе) кертеләчәк. Финалистлар кимендә өч ел педагогик стажга ия булырга тиеш.