Мәгариф министрлыгы дистанцион укытуны оештыру буенча методик тәкъдимнәр эшләде
Мәгариф министрлыгы электрон укыту һәм дистанцион белем бирү технологияләрен кулланып, башлангыч гомуми, төп гомуми, урта гомуми, урта һөнәри белем бирү программаларын һәм өстәмә гомуми белем бирү программаларын гамәлгә ашыру буенча методик киңәшләр эшләде, бастырып чыгарды һәм төбәкләргә җибәрде.
23 марттан 12 апрельгә кадәр Россия мәктәпләре каникул режимына яки укытуның дистанцион формаларына күчә. Урта һөнәри белем бирү учреждениеләре студентларын шулай ук читтән торып укуга күчерә.
Методик тәкъдимнәр белем бирү программаларын гамәлгә ашыруның якынча модельләрен, читтән торып уку һәм җитештерү практикасын үткәрүнең үзенчәлекләре турында мәгълүматны үз эченә ала.
Гомуми белем бирү оешмаларына дәресләр, консультацияләр, вебинарларны мәктәп порталын яисә төрле электрон белем бирү ресурсларын кулланып башка платформада үткәрергә тәкъдим ителә. Педагогларга методик тәкъдимнәр дистанцион дәресләрне оештырырга ярдәм итәчәк.
Тәкъдимнәргә кушымтада дәресне видеоконференцэлемтә режимында "Скайп" платформасын кулланып оештыруга мисал китерелә.
Урта һөнәри белем бирү оешмалары уку процессында файдалану өчен электрон ресурсларны һәм кушымталарны мөстәкыйль билгеләргә мөмкин.