ТР Мәгариф һәм фән министрлыгы беренче тапкыр муниципаль районнарның белем бирү өлкәсендәге эшчәнлегенә нәтиҗә ясады

ТР Мәгариф һәм фән министрлыгының Яр Чаллыда узган еллык коллегиясендә беренче тапкыр Татарстан муниципаль районнарының белем бирү өлкәсендәге эшчәнлегенә нәтиҗә ясалды. Иң яхшы районнар “Яхшы сыйфатлы белем биргән өчен”, “Милли мәгариф үсеше өчен”, “Тәрбия эшен бик яхшы оештырган өчен” номинацияләрендә билгеләнде, дипломнар һәм сертификатлар белән бүләкләнде.
“Яхшы сыйфатлы белем бирү өчен”, “Тәрбия эшен бик яхшы оештырган өчен” номинацияләрендә җиңүчеләргә күчеп йөрүче кубоклар тапшырылды. “Яхшы сыйфатлы белем биргән өчен” номинациясендә Бөгелмә, Әтнә, Мамадыш, Казанның Вахитов һәм Идел буе районнары, Түбән Кама муниципаль районнары яхшылар дип табылды. Эш нәтиҗәлелеген билгеләгәндә Бердәм дәүләт имтиханының югары күрсәткечләре һәм 2012 елда укучыларның Бөтенроссия олимпиадалары күрсәткечләре исәпкә алынган.
“Милли мәгариф үсеше өчен” номинациясендә туган телдә белем алучы татар милләтендәге балалар саны, татар теле һәм әдәбияты буенча республика олимпиадаларында җиңүчеләр саны, 9 нчы сыйныфны тәмамлаганда татар теленнән имтиханны тестлар ярдәмендә яңа формада тапшыручылар, татар телен коммуникатив технологияләр ярдәмендә рус телле балалар саны исәпкә алынган. Бу номинациядә бүләкләр Арча, Актаныш һәм Саба районнары муниципаль районнарына тапшырылды.
“Тәрбия эшен бик яхшы оештырган өчен” номинациясендә балигъ булмаганнар тарафыннан кылынган җинаятьләргә, спорт чараларында катнашу нәтиҗәләренә, “Мәктәп – дәрестән соң” проектында катнашучыларга, сәламәтлеккә теләктәшлек итүче мәктәпләргә кагылышлы күрсәткечләр исәпкә алынган. Мондый мәктәпләр Саба, Мамадыш һәм Чистай муниципаль районнарында бар.
Фото http://prav.tatarstan.ru сайтыннан