Татарстанда иң яхшы билингваль балалар бакчалары бәйгесе дәвам итә

2020 елның 6 октябре, сишәмбе

Республикада «Иң яхшы билингваль балалар бакчасы» грантын алучыларны сайлап алу конкурсының  2 этабы башланды.

15 октябрьгә кадәр экспертлар комиссиясе сайлап алу конкурсының икенче этабында катнашучы 25 белем бирү оешмасы эшчәнлеге белән танышачак. Әлеге этап кысаларында мәктәпкәчә яшьтәге балаларга билингваль белем бирү эшчәнлеген оештыру алымнарының системалылыгы, эшчәнлекнең ресурс белән тәэмин ителеше, белем бирү оешмасының әлеге юнәлеш буенча тәкъдим ителгән эш формаларының төрлелеге һәм оригинальлеге, балаларга дәүләт телләрен өйрәтү методикалары һәм технологияләре бәяләнә.

Конкурс нәтиҗәләре буенча 10 балалар бакчасы 500 мең сум күләмендә грантлар белән бүләкләнәчәк.