Быел Президент чыршысына сигез меңнән артык бала чакырылган

2020 елның 25 декабре, җомга

Быел Президент чыршысына сигез меңнән артык бала чакырылган. Республика чыршысына 8400 бала катнашачак. Чарага укуда, спортта зур уңышларга ирешкән, шулай ук авыр тормыш шартларына дучар булган һәм ятим балалар чакырылган.

Бәйрәм «Татнефть арена» боз сараенда, коронавирус инфекциясенә каршы чараларны истә тотып, өч этапта үткәреләчәк.

Чарада «Dobro» төркеме чыгыш ясаячак, балаларга әкият күрсәтеләчәк һәм Яңа ел күчтәнәчләре тапшырылачак.