2027 елга кадәр мәктәпләр эшенә санитар таләпләр расланды

2020 елның 24 декабре, пәнҗешәмбе

Роспотребнадзор мәктәпләр, балалар бакчалары, лагерьлар һәм башка балалар учреждениеләре эшенә яңа таләпләр раслады. Яңа санитар кагыйдәләр 2.4. 3648-20 2021 елның 1 гыйнварыннан 2027 елның 1 гыйнварына кадәр гамәлдә булачак.

Документта мәктәп тормышының бик күп аспектлары җентекләп язылган. Әйтик, мәктәпләрдә дәресләр иртәнге 8 сәгатьтән дә иртәрәк башланмаска тиеш. Өч сменада укыту рөхсәт ителми. Икенче смена дәресләре 19 сәгатьтән дә соңга калмыйча тәмамланырга тиеш. Каникулларның озынлыгы - 7 календарь көннән дә ким булмаска тиеш.