Идел буе спорт академиясе вәкилләре Казан мэры премиясе стипендиаты булды

2020 елның 30 декабре, чәршәмбе

Казан мэры стипендиясен алу конкурсында Идел буе спорт академиясе студенты, магистранты һәм аспиранты җиңүче булды.

Конкурс 1 октябрьдә башланды. Эксперт комиссиясе эше ике секциядә алып барылды: социаль-гуманитар һәм табигый фәннәр. Барлык конкурс этаплары барышында экспертлар 240 эшне бәяләде. Беренче этапка 84 фәнни хезмәт җибәрелгән. 2020 ел нәтиҗәләре буенча стипендияләрне 38 студент һәм аспирант алды. Идел буе академиясеннән бу исемлеккә физик культура факультетының 4 курс студенты Алия Шакирова, медицина-биология фәннәре кафедрасы магистранты Екатерина Петрищева һәм бу кафедраның аспиранты Екатерина Иванова керде.