РФ Хөкүмәте көллият һәм техникум педагогларына өстәмә түләү кертү мәсьәләсен хәл итәчәк

Россия Хөкүмәтендә көллият һәм техникум педагогларына сыйныф җитәкчелеге өчен өстәмә түләү кертү мәсьәләсе хәл ителә. Бу хакта РФ мәгариф министры Сергей Кравцов РФ Президенты Владимир Путин белән очрашуда белдерде, дип хәбәр итә Мәгариф министрлыгының Матбугат хезмәте.

Кравцов сүзләренчә, илдә 810 мең сыйныф җитәкчесенә узган елның 1 сентябреннән өстәмә түләнә. Узган ел Урта һөнәри белем бирүне үстерү стратегиясе кабул ителде һәм хәзер Россия Хөкүмәтендә көллият һәм техникум педагогларына шундый ук өстәмә түләү билгеләү мөмкинлеге карала, дип өстәде ул.

“Техникумнарда өстәмә түләүләргә килгәндә, без бу мәсьәләне Хөкүмәттә хәл итәбез. Быел бу юнәлештә билгеле бер адымнар ясарбыз дип өметләнәм, — диде министр. - Өстәмә түләүләр гомуми урта белем бирү учреждениеләре укытучыларына түләнә. Шулай ук тәрбия эшләре белән шөгыльләнүче техникумнар да бар”.

Мәгариф министрлыгы башлыгы шулай ук узган ел «РФдә мәгариф турында»гы законга төзәтмәләр кабул ителүен билгеләп үтте. Шуңа бәйле рәвештә, агымдагы елдан башлап, 10 төбәктә өстәмә 15 мең сум акча белән ставкасы директорның тәрбия эшләре буенча киңәшчесе ставкасы кертелә.

Моннан тыш, Кравцов 1,2 млн яңа урынга исәпләнгән 1 910 мәктәп төзелеше буенча дүртъеллык проект старт алуы турында сөйләде.