КИУ - “Дәүләт һәм муниципаль идарә” буенча РФ иң яхшы югары уку йортлары арасында
Казан Инновация университеты «Дәүләт һәм муниципаль идарә» юнәлеше буенча Россиянең алдынгы югары уку йортлары арасы «Интерфакс» рейтингының топ-50 рейтингына керде. Татарстаннан рейтингка барлыгы ике югары уку йорты — Казан (Идел буе) федераль университеты һәм В.Г. Тимирясов исемендәге Казан инновация университеты керде.
Рейтинг «Интерфакс» төркеменең «Университетларның милли рейтингы» проекты кысаларында «Дәүләт һәм муниципаль идарә» секциясенең «Икътисад һәм идарә» УГСН буенча методик ярдәме белән "Интерфакс" төркеме тикшеренүләре нәтиҗәләре буенча төзелде.
Рейтингка «Дәүләт һәм муниципаль идарә» юнәлеше буенча югары белем бирү программаларын гамәлгә ашырган Россиянең 50 иң эре университеты керде.
Бәяләү өчен белешмәләр чыганаклары: Scopus халыкара фәнни-метрик системасы һәм РИНЦның Милли фәнни-метрик системасы; университетларның web-сайтларында урнаштырылган мәгълүмат; университетларның белем бирү программалары администрацияләре җибәргән анкеталар.
Шунысын да билгеләп үтәргә кирәк, Дәүләт һәм муниципаль идарә — һәрвакыт актуаль булган юнәлеш, ә әлеге белгечләргә һәрвакыт ихтыяҗ зур. Яңа һөнәрләр атласында әлеге юнәлешне тәмамлаучылар үзләрен гамәлгә ашыра ала торган белгечлекләр: дәүләт органнары белән аралашу платформасы модераторы, социаль өлкәдә дәүләт-шәхси партнерлыкны оештыру буенча белгеч, иҗтимагый проблемаларны краудсорсинглау буенча белгеч һәм башкалар санап үтелгән.
«Дәүләт һәм муниципаль идарә» юнәлеше КИУда менеджмент һәм инженер бизнесы факультетында гамәлгә ашырыла.
КИУ студентлары дәүләт, төбәк һәм муниципаль хакимият органнарында — министрлыкларда, ведомстволарда, Татарстан Республикасы Дәүләт Советында, Муниципаль берәмлекләрнең башкарма комитетларында (администрацияләредә) һ. б. практика уза һәм эшкә урнаша.
Быел Казан инновация университетында бу юнәлеш буенча бушлай урыннар бүлеп бирелгән.