Казан аграр университеты галиме Россия Президенты грантын отты
Казан дәүләт аграр университеты профессоры Марат Кәлимуллин Россия Президенты грантын алды. Галим бәрәңге игү технологиясен камилләштерде.
Яшь галимне тикшерү бәрәңге үстерү өлкәсендә эшләүче агросәнәгать комплексы оешмаларына ярдәм итәчәк. Төрле технологик операцияләрне берләштерүгә нигезләнгән технологияне гамәлгә кертү тагын да югарырак икътисади нәтиҗәгә ирешергә һәм чит ил авыл хуҗалыгы техникасын үзебезнекенә алыштырырга мөмкинлек бирәчәк.
«Бүгенге көндә чит ил техникасы җитештерүчәнлеге, технологик процессны башкару сыйфаты, икътисадлылык буенча үзебезнең аналоглардан күпкә өстенрәк. Шул ук вакытта ул бик кыйммәтле. Килеп туган хәл авыл хуҗалыгы товар җитештерүчеләрен чит ил предприятиеләрен механикалаштыру чараларының бөтен комплексын сатып алырга мәҗбүр итә, бу илебезнең авыл хуҗалыгы җитештерүен импортка тулысынча бәйле итеп куя», — дип билгеләп үтте Кәлимуллин.
Перспективалы фәнни тикшеренүләрне һәм эшләнмәләрне гамәлгә ашыручы Россия яшь галимнәренә (фән кандидатларына һәм докторларына) дәүләт ярдәме күрсәтү өчен Россия Президенты грантын КДАУ профессоры «Техник фәннәр» юнәлеше буенча алды.