Алабугада мәктәп һәм балалар бакчаларында хезмәт күрсәтүнең сыйфатын бәяләделәр
Алабуга районында мәдәният һәм мәгариф өлкәсендә хезмәт күрсәтүче оешмаларның эшчәнлеген бәяләүгә йомгак ясадылар. Узган ел 83 оешма тикшерелгән.
Күрсәткечләр биш критерий буенча формалаштырылган, алар нигезендә тулаем оешма бәясен билгели торган интеграль һәм урта исәп-хисап буенча ясалган.
Шәһәр мәктәпләре арасында 100 мөмкинлектән 95 балл җыйган 2 нче, 5 нче, 6 нчы һәм 9 нчы мәктәпләр лидерлар рәтенә чыкты.
Авыл мәгариф оешмалары арасында Танай, Иске Юраш һәм Морт мәктәпләре аерылып торды.
Шәһәрнең балалар бакчалары арасыннан иң яхшылар – 38 нче, 24 нче, 13 нче, 26 нчы 40 нчы, 39 нчы мәктәпкәчә балалар учреждениеләре. Авыл мәктәпкәчә балалар учреждениеләре арасында Морт, Костенеево һәм Олы Шүрнәк балалар бакчалары лидерлыкка чыкты.
Өстәмә белем бирү учреждениеләреннән берсе дә 90 балл чиген узмады, максималь сан – 89 баллны «Юнармия йорты» җыйды.
Ә.Бакиров исемендәге 1 нче балалар музыка мәктәбе — барлык критерийлар буенча 100 балл җыйган бердәнбер учреждение. Бигрәк тә алабугалылар мөмкинлекләре чикле кешеләр өчен хезмәт күрсәтүнең югары куелган булуын бәяләделәр.