Сергей Кравцов «Хөкүмәт сәгате» кысаларында Федерация Советы әгъзаларының сорауларына җавап бирде

Сергей Кравцов балаларны һәрьяклап үстерү, алар тарафыннан база һәм гамәли белемнәр алу мөһимлеген билгеләп үтте. Аның сүзләренә караганда, илдә һәр өченче мәктәп белем бирү нәтиҗәләрен яхшырту өчен потенциалга ия.

«Бу бигрәк тә төп мәктәп, 8-9 сыйныфлар. Без һәр мәктәп белән аерым эшлибез, белемдәге җитешсезлекләрне бетерү өчен кирәкле методик ярдәм күрсәтәбез. Мондый системалы эш безгә мәктәп белеменең сыйфаты буенча иң яхшы ун ил арасына керү өчен Президент әйткән нәтиҗәләргә ирешүдә уңай динамиканы күрергә мөмкинлек бирә», – диде мәгариф һәм фән министрлыгы башлыгы.

Министр уңай белем бирү нәтиҗәлелегенә нәкъ менә системалы, комплекслы якын килү, аерым алганда, бердәм белем бирү пространствосын булдыру, педагогик хезмәткәрләрнең һәм идарә кадрларының профессиональ үсеше, түбән нәтиҗәләр булган мәктәпләр белән эшләү аша ирешеп була, дип белдерде.

Аерым алганда, цифрлы белем бирү мохитен гамәлгә кертү традицион укытуны тулыландыра һәм көчәйтә, бердәм белем бирү киңлеген формалаштыруга ярдәм итә.

Шул ук вакытта, Сергей Кравцов ассызыклап үткәнчә, министрлык педагогларга ярдәм итү, педагогик белем бирүне үстерү мәсьәләләренә аерым игътибар бирә.

«Барысы да укытучыдан тора. Хөкүмәт Рәисе йөкләмәсен үтәү кысаларында без укытучылар хезмәтенә түләү системасына бердәм таләпләр эшлибез. Аерым мәсьәлә – педагогик вузларны җиһазлау, аларга ярдәм итү, шул исәптән кирәкле мәктәп җиһазлары, педагогик вузларның практика белән багланышы. Без укытучылар өчен бюрократик хисаплылыкны киметтек – узган ел ахырында Мәгариф һәм фән өлкәсендә күзәтчелек федераль хезмәте белән тиешле хатка кул куелды», – диде ул.

Хатта китерелгән исемлек укытучы өчен мәҗбүри булган документлар санын чикли. Алар арасында — уку предметларының эш программалары, сыйныф журналы,тәрбия эше планы.

Моннан тыш, министрлык Россия Президентының сыйныф җитәкчелеге өчен өстәмә түләүләр булдыру буенча йөкләмәсен үтәүне контрольдә тота. Бу өстәмәне бөтен ил буенча 810 меңнән артык педагог ала.

Федерация Советы әгъзаларының берсе соравына җавап биреп, Сергей Кравцов шулай ук министрлык студентлар төркемнәре кураторларын (урта һөнәри белем бирү системасында сыйныф җитәкчеләрен) сыйныф җитәкчелеге өчен өстәмә алучылар категориясенә кертү мәсьәләсен дә эшләп чыгаруын әйтте.

«Урта һөнәри белем бирү учреждениеләрендә тәрбия эше белән шөгыльләнү зарурлыгы көн кебек ачык. Бүген тугызынчы сыйныфтан соң укучыларның 54% ы нәкъ менә техникумнарга бара, еш кына бу авыр яшүсмерләр», – дип билгеләп үтте министр.

Сергей Кравцов шулай ук мәгарифнең тәрбия өлешен көчәйтү буенча адымнар турында сөйләде. Аның сүзләренә караганда, министрлык төзегән тәрбия эше программасы нигезендә һәр мәктәп үз үзенчәлекләрен һәм спецификасын исәпкә алып үз планын эшләгән, һәм бу планнар конкрет җаваплы кешеләр катнашында тормышка ашырыла инде.

«Тәрбия эшен оештыру буенча мәктәп директоры киңәшчесе вазыйфасын башкарабыз. Киңәшчеләрнең кадрлар составы «Балачак навигаторлары» конкурсы аша формалашачак. Кандидатларны укыту «Артек» базасында алып барылачак», – диде ул.

Министр мәктәпләрдә үзидарә үсеше һәм балаларның үз-үзләрен  танытуга юнәлдерелгән өстәмә белем бирүнең мөһимлеген ассызыклады. Россия Мәгариф һәм фән министрлыгы Мәдәният министрлыгы белән берлектә балалар өчен кинодәресләр, мультфильмнар, уеннар эчтәлеге белән контент булдыра. Моннан тыш, ата-аналар белән эшләү кысаларында министрлык даими рәвештә Бөтенроссия ата-аналар җыелышларын үткәрүне планлаштыра.

Үз чыгышының ахырында Сергей Кравцов хәбәр иткәнчә, 2021 елдан яңа мәктәпләр төзү буенча масштабы буенча моңарчы күрелмәгән проектны гамәлгә ашыру башлана.

«Дүрт ел эчендә без 1910 яңа мәктәп төзиячәкбез, «ВЭБ.РФ» дәүләт корпорациясеннән һәм Саклык банкыннан 300 млрд.сумга өстәмә акча җәлеп итәчәкбез. Без бюджетара субсидияләрне формалаштыруның традицион моделе кысаларында 500 мәктәпкә күбрәк төзиячәкбез», – дип хәбәр итте ул.

Шулай ук, министр сүзләренчә, авыл җирендә һәм кече шәһәрләрдә урнашкан 27 меңгә якын мәктәп заманча җиһазлар белән җиһазландырылачак, нигездә, табигый-фәнни юнәлештәге фәннәрне укыту өчен.