Бюджет хисабына 80 мең укытучы "цифрлы" квалификацияләрен күтәрәчәк
Тармак югары уку йортлары мөгаллимнәре "Цифрлы икътисад өчен кадрлар" федераль проекты кысаларында квалификацияләрен күтәрәчәк. Барлыгы 80 мең укытучыны яңадан укытачаклар, дип сөйләде "РГ”га биргән интервьюсында РФ Россия Федерациясе Цифрлы үсеш, элемтә һәм массакүләм коммуникацияләр министры урынбасары Евгений Кисляков.
Югары уку йортлары өчен төрле тармакларның – авыл хуҗалыгы, транспорт, энергетика һәм башка тармакларның ИТ-белгечләрен заманча белемнәр белән тәэмин итү өчен "цифрлы" модульләр эшләнәчәк. Укытучыларны яңадан әзерләү әлеге бурычны тормышка ашыру өчен кирәк. "Аларга үз эш планнарын цифрлы модульләр өчен эшкәртергә кирәк булачак", – дип аңлатты министр урынбасары, эшнең мәгариф һәм фән министрлыгы белән бергә барачагын билгеләп үтте.
Цифрлы модульләрне "Иннополис" университеты профильле югары уку йортлары, ведомстволар һәм ИТ-компанияләр белән берлектә эшләячәк, алар тармак чишелешләрен хәл итәчәк.