NAUKA 0+ Бөтенроссия фестивале конкурсларына эшләр кабул ителә башлады
12 февральдә Россиядә Фән һәм технологияләр елының флагман чарасы булган NAUKA 0+ Бөтенроссия фестивале конкурсларына эшләр кабул ителә башлады. Нәтиҗәләр 10 октябрьдә Мәскәүдә узачак ябылу тантанасында ясалачак. Фестивальне М.В. Ломоносов исемендәге МДУ, Россия Фәннәр академиясе һәм Мәскәү Хөкүмәте ярдәмендә Россия мәгариф министрлыгы үткәрә. Катнашу бушлай.
Программада түбәндәгеләр каралган:
«Киләчәк галимнәре» – югары сыйныф укучылары арасында фәнни проект эшчәнлеге буенча иң зур халыкара ярыш. Ел саен конкурста АКШ, Һиндстан, Иордания, Казахстан, Беларусь, Украина, Сейшель утраулары һәм Россия төбәкләреннән меңләгән яшь тикшеренүчеләр катнаша. Узган елда катнашучылар интеллектуаль система ярдәмендә ачык киңлектәге янгыннарны ничек кисәтергә, битлекләр һәм респираторлар дезинфекциясе вакытында салкын плазманы ничек кулланырга һәм башка мәсьәләләрне хәл итте. 2021 елда катнашучылар үзләренең талантларын физика һәм математикадан алып геологиягә һәм цифрлы технологияләргә кадәр сигез фәнни юнәлеш буенча күрсәтәчәкләр.
Нечкәлекләре.
“Фән дөньясы балалар күзлегеннән” – 5-17 яшьлек мәктәп укучылары өчен ел саен үткәрелә торган бөтенроссия балалар иҗат конкурсы. Быел катнашучыларга «Космос» темасына фантазияләрне эшкә җигәргә, шулай ук киләчәккә күз ташларга, дөньяны 1000 елдан күрергә тәкъдим итәләр. Эшләрне тапшыру өчен дедлайн – 12 сентябрь, җиңүчеләрнең рәсемнәре күргәзмәсе 8-10 октябрь көннәрендә МДУның Фундаменталь китапханәсендә узачак.
Нечкәлекләре.
"Фәнне фотога төшер" фотоконкурсы фәнне популяштыр белән кызыксынган видеоблогерларга, телевизион журналистларга, галимнәргә һәм студентларга юнәлдерелгән. 2017 елда башланганнан алып конкурста 2000 автор катнашты, алар 7000 эш җибәрде.
Нечкәлекләре.
"Фәнне киңәйт!" инновацион журналистика конкурсы журналистлардан һәм блогерлардан фәнни-популяр контент булдыруга багышланган. Конкурс популярлаштыручыларга максатчан аудитория белән үзара хезмәттәшлек өчен яңа каналлар табарга ярдәм итә. Эшләр 12 сентябрьгә кадәр кабул ителә.
Нечкәлекләре.
2020 елның 25 декабрендә Россия Федерациясе Президенты Владимир Владимирович Путин 2021 елда Россиядә Фән һәм технологияләр елын уздыру турында Указга кул куйды. Елның бурычы – талантлы яшьләрне фән һәм технологияләр өлкәсенә җәлеп итү, һөнәри берлекнең Россия Федерациясенең фәнни-технологик үсеш стратегиясен гамәлгә ашыруга җәлеп итүен арттыру, шулай ук илебез гражданнарында бүгенге көндә дәүләт һәм бизнес тарафыннан гамәлгә ашырыла торган фән һәм технологияләр өлкәсендәге инициативалар турында төгәл күзаллау формалаштыру.
NAUKA 0+ Россиякүләм фестивале – Россиядә Фән һәм технологияләр елының флагман чарасы. Фестиваль программасы үз эченә Россиянең 80 төбәгендә 5 мең уникаль вакыйганы ала: яшь галимнәрнең, Нобель лауреатларының лекцияләре, мавыктыргыч фәнни шоулар, гаҗәеп интерактив күргәзмә, халыкара космик станция, Европа атом-төш тикшеренүләре үзәге, антарктик станция белән теле күперләр һәм башкалар.