«Нәрсә? Кайда? Кайчан?» интеллектуаль уенның җиңүчеләреТатарстанны Идел буе федераль округы олимпиадасында тәкъдим итәчәкләр
3 февральдә республиканың барлык муниципаль районнарында Идел буе федераль округының мәктәп укучылары арасында «Нәрсә? Кайда? Кайчан?» Интеллектуаль олимпиадасының сайлап алу турлары үтте.
Уенда бөтен республикадан 500дән артык команда катнашты. Болар нигездә 9-11 нче сыйныф укучыларыннан торган командалар иде.
Интеллектуаль олимпиада Идел буе федераль округының округ иҗтимагый проектларын гамәлгә ашыру кысаларында уздырыла.
Интеллектуаль уен укучыларны интеллектуаль-иҗади һәм фәнни-гамәли эшчәнлеккә җәлеп итү, шулай ук коллектив хезмәттәшлек, стандарт булмаган фикерләү, логика һәм эрудиция күнекмәләрен үстерү максатларында уздырыла.
Интеллектуаль уен укучыларның төрле чыганакларда булган узгандагы һәм бүгенге вакыйгалар һәм күренешләр турындагы мәгълүматны анализлау сәләтен үстерүгә, тарихилык принцибына таянып, аларның динамикасына, үзара бәйләнешенә һәм үзара багланышына ярдәм итә.
Муниципаль этап «Нәрсә? Кайда? Кайчан?» форматындагы 20 сораудан (10ар сораулы ике тур) тора иде. Шул ук вакытта сорауларның бер өлеше Татарстан Республикасы халыкларының тарихына, мәдәниятенә һәм туган телләренә багышланды.
"Нәрсә? Кайда? Кайчан?» юнәлншн буенча Интеллектуаль олимпиадада Татарстанның барлык муниципаль районнарыннан 52 команда катнашты.
Сайлап алу төбәк этабы 10 мартта үткәрелә.
Интеллектуаль олимпиаданың төбәк этабы гомуми зачет белән берләштерелгән өч турнирдан торачак, аларның барлык биремнәре дә гомуми интеллектуаль юнәлешкә ия булачак, шул ук вакытта сорауларның бер өлеше Татарстан Республикасы халыкларының тарихына, мәдәниятенә һәм туган телләренә багышланачак.
Һәр турнирны үткәрү кагыйдәләре катнашучы командаларга төбәк этабының һәр конкрет турниры башланыр алдыннан җиткерелә. Барлык өч турнир да бер көн дәвамында үткәрелә.
Төбәк этабы нәтиҗәләре буенча җиңүче команда җыелма команда составына керәчәк һәм Идел буе федераль округының мәктәп укучылары арасында Интеллектуаль олимпиаданың йомгаклау округ этабында республикабыз данын яклаячак.