Татарстанда Бөтенроссия тикшерү эшләрен уздыру көннәре билгеләнде
15 мартта Мәгариф һәм фән өлкәсендә күзәтчелек буенча федераль хезмәт мәгариф өлкәсендә дәүләт идарәсен гамәлгә ашырган Россия Федерациясе субъектларының башкарма хакимияте органнары вәкилләре, шулай ук Россия Федерациясенең мәгариф өлкәсендә тапшырылган вәкаләтләрен видеоконференция режимында гамәлгә ашырган Россия Федерациясе субъектларының башкарма хакимият органнары вәкилләре белән бөтенроссия киңәшмәсе үткәрде. Киңәшмәнең темасы — «2021 елда бөтенроссия тикшерү эшләрен үткәрү».
Киңәшмәне Рособрнадзор җитәкчесе урынбасары Борис Чернышов үткәрде. Ул 10-11 сыйныф укучылары өчен Бөтенроссия тикшерү эшләре 1-26 мартта, калган сыйныфлар өчен - 15 марттан 21 майга кадәр узачак, дип игътибарны юнәлтте. Тикшерү эшләре вариантлары һәр мәктәп өчен бөтенроссия тикшерү эшләре (ВПР) банкыннан индивидуаль рәвештә формалаштырыла.
2021 елда Бөтенроссия тикшерү эшләре уздыру үзенчәлекләре турында Россия Федерациясе субъектлары дәүләт хакимияте органнары эшчәнлегенә мәгариф һәм контроль сыйфатын бәяләү идарәсе башлыгы Евгения Елисеева сөйләде. 6 һәм 8 сыйныф параллельләрендә кайбер предметлар буенча Бөтенроссия тикшерү эшләре үткәрү үзенчәлеге һәр сыйныфка очраклы сайлау нигезендә 2 предмет буенча оештырылачак. Шул рәвешле, 6 һәм 8 сыйныф укучылары ВПРны 4 предмет буенча башкарачак, алар арасында рус теле һәм математика буенча ВПР барысы өчен дә мәҗбүри.
Алтынчы сыйныф укучыларына тарих, биология, география яки җәмгыять белеме буенча Бөтенроссия тикшерү эшләре, сигезенче сыйныф укучыларына - тарих, биология, география, җәмгыять белеме, химия яки физика буенча очрашырга мөмкин. Белем бирү сыйфатын бәяләүнең федераль мәгълүмат системасында мәктәпләргә һәр параллельдә предметларны сыйныфлар буенча бүлү турындагы мәгълүмат җибәреләчәк.
Киңәшмә барышында берничә төбәкнең Бөтенроссия тикшерү эшләре оештыру һәм уздыру тәҗрибәсе өйрәнелде.
4-8 сыйныф укучылары өчен Бөтенроссия тикшерү эшләре штат режимында уздырыла, 10 һәм 11 сыйныфлар өчен апробация режимында үтәчәк (теләк буенча). Бөтенроссия тикшерү эшләрендә катнашуга республиканың 1357 мәктәбе гариза бирде, шулардан 1242 мәктәп (аларда 6, 8 нче сыйныфлар булу буенча) 6, 8 нче сыйныф укучылары Бөтенроссия тикшерү эшләре уздыруны оештыра. 10 сыйныф укучылары өчен Бөтенроссия тикшерү эшләре -189, ә 11 сыйныф укучылары өчен – 685 мәктәп оештырды.
География буенча Бөтенроссия тикшерү эшләрендә 10 сыйныфта укучылар катнаша ала, аларда укыту планы буенча "География" предметын өйрәнү 10 сыйныфта тәмамлана. 11 нче сыйныфта БДИ формасында урта гомуми белем бирү программалары буенча дәүләт йомгаклау аттестациясен узган вакытта әлеге предметларны сайлап алмаган укучылар һәр предмет буенча имтиханнар үти. Бөтенроссия тикшерү эшләрендә аерым укучыларның катнашуы турындагы карарны белем бирү оешмасы кабул итә. Авыру аркасында ул көнне катнаша алмаса, бала башка көнне предмет буенча Бөтенроссия тикшерү эшләрен башкарырга тиеш түгел. Шунысын билгеләп үтәргә кирәк, Бөтенроссия тикшерү эшләре дәресләрдән соң үткәрелми.
Бөтенроссия тикшерү эшләрен үткәрү графигы Татарстан Республикасы муниципаль берәмлекләре башкарма комитетларының мәгариф бүлекләре (идарәләре) тарафыннан, Бөтенроссия тикшерү эшләрен үткәрүнең билгеләнгән чорын исәпкә алып, ТР мәгариф һәм фән министрлыгы белән алдан килештереп, 1 мартта 21 майга кадәр мөстәкыйль рәвештә билгеләнгән. Республиканың Әлки, Апас, Баулы, Югары Ослан, Биектау, Лаеш, Лениногорск, Сарман, Тәтеш һәм Чирмешән муниципаль районнарында Бөтенроссия тикшерү эшләре 1 майга кадәр оештырылачак. Башка муниципаль берәмлекләрдә Бөтенроссия тикшерү эшләре уздыруны агымдагы елның 21 маена кадәр озайтырга планлаштыралар.