LEGO®Education компаниясе педагогларны һөнәри үстерүнең яңа платформасын булдырды
LEGO® Education компаниясе педагогларны һөнәри үстерүнең яңа платформасын тәкъдим итте.
"Ул педагогларны илһамландыруга, аларга үз көчләренә ышаныч формалаштыруга һәм практик STEAM-укыту компетенцияләрен үстерүгә ярдәм итүне күз уңында тота", – дип хәбәр итә компаниянең матбугат хезмәте.
Педагогларны һөнәри үстерү системасы LEGO Education компаниясе тарафыннан Тафтс Университетының Инженерлык белеме үзәге (CEO) белгечләре белән хезмәттәшлектә эшләнгән һәм заманча педагогларның ихтыяҗларын исәпкә ала. Ул укытучыларда белем бирүнең югары нәтиҗәләренә ирешү өчен кирәкле компетенцияләр формалаштыруга корылган һәм дүрт юнәлешне үз эченә ала: педагогика, STEAM методикасы, XXI гасыр күнекмәләре һәм сыйныфта эшне оештыру методикасы.
«Без укытучыларга һөнәри үсеш өчен яңа платформа тәкъдим итәргә һәм аларны STEAM-укытуны оештыру өчен стратегияләр һәм күнекмәләр белән тәэмин итүгә шат. Укытучылар уен формасында уза торган практик юнәлешле укытуга чын-чынлап ышангач, алар үз укучыларын мавыктыра, алар белән белем бирү процессының мотивациясе һәм шатлыгы белән уртаклаша ала. Үз-үзенә ышанган укытучыларны һәм укучыларны берләштереп, мәктәп иҗади күзаллау белән генә чикләнгән акылга сыймаслык мөмкинлекләр урынына әверелә ", – дип билгели LEGO Education компаниясе президенты Эсбен Старк.
Модульле онлайн-программа материалларның төрле төрләрен берләштерә – уку блокларын билгеле бер күнекмәләрне тиз эшләп бетерү өчен һәм компетенцияләрне тагын да тирәнрәк үстерү өчен дәвамлы белем бирү квестлары.
Болар барысы да тыңлаучыларга модульләрне өйрәнүнең билгеле бер тәртибенә иярмичә, темага яисә дәвамлылыгына карап, материалларны сайлап, курслар узуның индивидуаль планын билгеләргә мөмкинлек бирәчәк.
Педагоглар, классларда реаль уку процессын күзәтеп, видеороликлар ярдәмендә STEAM-белем бирү принципларын үзләштерә алачак. Мәгълүматны уку модульләре составына кабул итү җайлы булсын өчен, реаль педагоглар белән интервью керә, алар төрле белем бирү ситуацияләре кысаларында методика һәм STEAM-алымнар аңлата, шул исәптән көндезге укытуны, дистанцион яки катнаш белем бирү процессын да кертеп.
LEGO Education компаниясе тарафыннан эшләнгән педагогларның һөнәри үсеш платформасы сигез телгә күчерелгән, шул исәптән рус теленә дә тәрҗемә ителгән һәм ел дәвамында компаниянең башка карарларын өстәү мөмкинлеге белән LEGO® Education SPIKE ™ Prime һәм LEGO® EducationBricQMotion карарлары белән эшләү курсларын үз эченә ала.
STEAM: Science – фән, Technology – технология, Engineering – инжиниринг, Art – иҗат, Mathematics – математика.