Казан укучылары игелеклелек дәресләрендә инвалид кешеләрне аңларга өйрәнәчәкләр
Казан мәктәпләрендә Инвалидлылыкны аңлау буенча «Игелеклелек дәресләре»нең яңа циклы башлангыч алды. Дәресләр "МТС Банк белән игелеклелек дәресләре" инклюзив проекты кысаларында үткәрелә, аның инициаторлары булып МТС Банк һәм инвалидларның "Перспектива" төбәк иҗтимагый оешмасы тора. Казанда дәресләрне «Шәһәр мәгариф үзәге» өстәмә һөнәри белем бирү мәгариф учреждениесе оештыра.
«Игелеклелек дәресе»нең төп максаты – педагогик бергәлектә, укучыларда һәм аларның әти-әниләрендә инклюзив культура булдыру, шулай ук аерым белем бирү ихтыяҗлары белән булган балаларга толерант мөнәсәбәт булдыру.
Дәресләрне махсус әзерлек узган инвалид яшьләр үткәрә. Быелгы уку елында беренче дәрес Казан шәһәренең Вахитов районындагы «1 нче урта гомуми белем бирү мәктәбе» муниципаль бюджет мәгариф учреждениесендә узды. Алып баручылар балаларга үзләренең инвалидлылыгы турында сөйләделәр – бу аларга тулы канлы тормыш белән яшәргә һәм төрле иҗади проектларда үз сәләтләрен күрсәтергә комачауламый.
Гадәти булмаган дәрес уен формасында уза һәм инвалидлылыгы булган кешенең тормыш үзенчәлекләре турында сөйли.«Игелеклелек дәресе» ярдәмендә балалар инвалидлык кешеләр эләгергә мөмкин булган хәлләрне үзләре аша кичереп карарга һәм аларны яхшырак аңларга өйрәтә.