Ятим балалар өчен оешмалар «Хәйрия эшмәкәре» грантына ия булдылар
Казанда социаль учреждениеләрдә яшәүче ятим балаларның финанс белемен арттыруга юнәлдерелгән «Хәйрия эшмәкәре социаль акселераторы» бишенче профильле сменасы тәмамланды.
«Хәйрия эшмәкәре-2021» — белем бирү сменасы, ул Россия Федерациясенең 16 төбәгеннән балалар йортларында тәрбияләнүчеләрне җыйды. 10 көн дәвамында балалар өчен кейс-чемпионат, тренинглар, мастер-класслар һәм төрле өлкә профессионаллары лекцияләре узды.
Смена нәтиҗәләре буенча яшь эшкуарлар яклауга 50дән артык бизнес-инициатива тәкъдим итте, шуларның 26сы "АК БАРС СОЗИДАНИЕ" хәйрия фондыннан финанс ярдәме алды.
Грантка ия булучылар арасында түбәндәгеләр бар иде:
– “Чисталык отряды” һәм “Шатлыкка ирешү” проектлары белән Әлмәт балалар йорты;
– Чистай балалар йорты «Лобзик в руках художник» проекты белән;
– Алабуга балалар йорты “Тылсымлы кадр” проекты белән;
– Түбән Кама балалар йорты «Сәламәтлеккә таба бер адым» проекты белән;
– «Яшь фермер» проекты юбелән алалар һәм ата-ана тәрбиясеннән мәхрүм калган балалар өчен Минзәлә интернат-мәктәбе;
– Ятим һәм сәламәтлек мөмкинлекләре чикләнгән балалар өчен Казанның 11 нче интернат-мәктәбе «Релаксация өчен чәчәк бакчасы” һәм “Бүләк” иҗат остаханәсе” проектлары белән.
Җиңүчеләрне бүләкләү тантанасы узган шимбәдә «Ривьера» ГРКда узды.