Kazan Digital Week - 2021 форумы катнаш форматта узачак
Форум Россия Хөкүмәте химаясында уздырыла. Ул берничә йөз әйдәп баручы экспертны җыячак, алар бер мәйданчыкта югары технологияләр өлкәсен үстерүнең иң актуаль мәсьәләләре турында фикер алышачак. Хәзерге вакытта KDW-2021 10 тематик юнәлеше билгеләнде:
●«Интеллектуаль транспорт системалары»;
●«Ситуацион үзәкләр»;
●«Цифр индустриясе 4.0»;
●«Финтех экосистемасы»;
●«Киберкуркынычсызлык»;
●«Бизнеска интеграцияләнгән инновацияләр»;
●«Мәгариф өлкәсендә цифрлы технологияләр»
●«Мәдәният өлкәсендә цифрлы технологияләр»;
●«Сәламәтлек саклау өлкәсендә цифрлы технологияләр»;
●«Авыл хуҗалыгы өлкәсендә цифрлы технологияләр».
Форум кысаларында панель дискуссияләр һәм түгәрәк өстәлләр, дөнья ИТ-проектлары, техник турлар һәм башка күргәзмәләр узачак. Моннан тыш, KDW-2021 алдыннан Digital Superhero хакатоннары сериясен үткәрү планлаштырыла, шуларның беренчесе инде яз көне старт ала.
Исегезгә төшерәбез, беренче тапкыр Kazan Digital Week республикада 2020 елның көзендә онлайн-форматта узды. Ул вакытта форумда 74 илдән 28 мең кеше катнашты. 46 секциядә, панель дискуссияләрдә, мастер-классларда, түгәрәк өстәлләрдә һәм 14 техник визитларда 345 спикер чыгыш ясады. Күргәзмә 111 компаниянең виртуаль стендларын берләштерде.