Казан кооперация институты мәктәп укучылары өчен беренче татар квизын үткәрде
3 апрель көнне Казан кооператив институтында Казан укучылары өчен “квиз” форматында беренче брейн-ринг узды.
Туган телләр һәм халык бердәмлеге елы кысаларында викторина рәвешендә интеллектуаль уен үткәрелде һәм татар телендә узды. Рингка Казан шәһәренең 50 дән артык татар гимназиясе укучысы чыкты:
14 нче гимназия;
Казан Федераль университеты каршындагы Ш. Мәрҗани исемендәге 2 нче татар гимназиясе;
Татар телендә белем бирүче 27 нче гимназия;
11 нче татар гимназиясе;
Абдулла Алиш исемендәге 20 нче гимназия;
7 нче лицей-интернат;
М.И. Мәхмүтов исемендәге 184 нче аерым фәннәрне тирәнтен өйрәтүче урта мәктәп;
Татар телендә белем бирүче 149 нчы лицей;
3 нче гимназия;
16 нчы татар-инглиз гимназиясе.
Ун интеллектуаль коллектив 8-11 сыйныф укучылары тарафыннан тәкъдим ителгән. Укучылар татар теле, әдәбияты, театры, музыкасы белгечләре буларак – бер сүз белән әйткәндә, республиканың филология, мәдәният һәм сәнгать белгечләре ролендә чыгыш ясады.
Уен 3 раундтан торды, аларның һәрберсендә 3 сорау иде. Җавап турында уйлау өчен командаларга 1 минут бирелде. Ә "Gооgle" яки "Yandex"тан җавап алу теләге булмасын өчен уеннарда катнашучыларны телефоннарны сүндерергә сорадылар. Ләкин уен намус белән, җанлы һәм дустанә шартларда узды. Укучылар сорауларга актив җавап бирделәр, үз фикерләрен әйттеләр. Барлык командалар татар филологиясе һәм мәдәнияте өлкәсендә яхшы белемнәр күрсәттеләр, барлык сорауларга да төгәл җавап таптылар.
ККИ татар мәдәнияте үзәге җитәкчесе Флюра Абдуллинадан, тарих фәннәре кандидаты, ТР Фәннәр академиясенең ислам тикшеренүләре үзәге директоры урынбасары Илшат Мөхәммәтзариповтан һәм ТР Иҗтимагый палатасының яшьләр эшләре һәм патриотик тәрбия комиссиясе рәисе урынбасары Яна Сирюковадан торган компетентлы жюри балаларны уенның барлык этаплары буенча бәяләде.
Уен нәтиҗәләре буенча түбәндәге командалар җиңүчеләр булды:
1 урын – Казан Федераль университеты каршындагы Ш. Мәрҗани исемендәге 2 нче татар гимназиясе;
2 урын – М.И. Мәхмүтов исемендәге 184 нче аерым фәннәрне тирәнтен өйрәтүче урта мәктәп;
3 урынны Татар телендә белем бирүче 149 нчы лицей һәм 3 нче гимназия бүлеште.
Җиңүчеләргә дипломнар һәм бүләкләр тапшырылды. Шулай ук уенда катнашкан һәркем Казан кооператив институтыннан истәлеккә бүләкләр алды.