«Сәламәтлекнең чиксез мөмкинлекләре» атнасы «Зур тәнәфес» конкурсының яңа тематик аен ача
Айның партнеры – "Роскосмос" дәүләт корпорациясе.
Ай "Волонтёр-медиклар" ВОД ярдәмендә үтәчәк «Сәламәтлекнең чиксез мөмкинлекләре» атнасын ачачак. Конкурста катнашучылар имтиханнарга әзерләнгәндә дулкынлануны ничек җиңәргә, дөрес туклану һәм физик әзерлек нигезләре белән танышачак. Шулай ук алар тематик конкурсларда һәм челленджларда катнашачак.
5 апрель көнне атна онлайн-лекторий белән ачылачак, анда "Доктор" каналының телевидение алып баручысы психолог Андрей Хорс катнашачак, ул укучыларга психик сәламәтлек, үз потенциалын тормышка ашыру һәм стресс белән көрәш кагыйдәләре турында сөйләячәк.
7 апрельдә, Бөтендөнья сәламәтлек көнендә, диетолог, спорт нутрициологы, фитнес һәм сәламәт яшәү рәвеше өлкәсендә спорт нутрициологиясе нигезләре укытучысы Алинә Лычагина катнашында «Үземнең туклану турында мин нәрсә белергә тиеш?» онлайн-лектория була.
9 апрель көнне мәктәп укучыларына физик сәламәтлек турында "Россия Федерациясенең Хәзерге Кылыч сугышы" ОФСОО оештыручысы һәм президенты, Урта гасыр фехтование һәм мәдәният академиясенә нигез салучы Мария Давыдова сөйләячәк.
10 апрельдә конкурс бергәлегендә «Игелекле шимбә» традицион акциясе узачак. Кешенең космоска беренче очуының 60 еллыгы алдыннан акция Космонавтика көненә багышланачак.
Мәгълүмати белешмә
"Зур тәнәфес"нең яңа сезоны 2021 елның 26 мартында старт алды, катнашучыларны теркәү bolshayaperemena.online платформасында мөмкин. Конкурс «Мәгариф» илкүләм проекты кысаларында гамәлгә ашырыла. «Зур тәнәфес» конкурсын «Россия – мөмкинлекләр иле» АКБО һәм «Роспатриотцентр» ФДБУ оештыра. Конкурсны оештыручы – Россия мәктәп укучылары хәрәкәте.
"Зур тәнәфес" Россия мәгариф министрлыгы, Россия фән һәм югары белем министрлыгы һәм Россия яшьләр министрлыгы ярдәмендә уза. Конкурс партерлары – Саклык банкы, Mail.ru Group, «Милли приоритетлар» АКБО, «Юнармия» Бөтенроссия балалар-яшьләр хәрби-патриотик иҗтимагый хәрәкәте.