Мәгълүмати куркынычсызлык буенча Innopolis Open 2021 йомгаклары игълан ителде
Беренче индивидуаль турда катнашучылар мәгълүмати куркынычсызлыкның актуаль юнәлешләре: криптография, бинар файлларда зәгыйфьлекләр эзләү, һөнәри программалаштыру, компьютер криминалистикасы һәм веб-кушымталарның йомшаклыгы буенча биремнәрне. Шулай ук финалистлар ачык җавап бирү юлы белән иҗади биремнәрне чиштеләр, аларда вәзгыятьне модельләштерделәр һәм реаль техник проблемаларны хәл итү вариантларын тәкъдим иттеләр.
Икенче тур командалар ярышы булды, ул Pentest форматында узды – зәгыйфь машиналарның үтеп керүенә тестлаштыру. Катнашучыларга чикләнмәгән керү мөмкинлеге алырга һәм флаглар табарга мөмкинлек биргән кайбер зәгыйфьлекләрне табарга һәм бәяләргә кирәк иде.
Олимпиада җиңүчесе Николай Нечаев, Мәскәү шәһәре: «Безнең команда мәктәптә CTF буенча түгәрәкләр оештыра һәм үзе дә шунда шөгыльләнә. Без дәресләр һәм күнегүләр уздырабыз, һәм шулай итеп ярышларга әзерләнәбез. Гадәттә без task-based һәм A / D CTF өчен күнекмәләр өстендә эшлибез, ләкин, HackTheBox белән якын таныш булмавыбызга карамастан, без олимпиаданың бу өлеше белән кыенлыклар кичермәдек. "Кәгазь" һәм иҗади биремнәр форматы безнең өчен яңалык булып чыкты, аны барысы да башкарып чыкмады. Гәрчә бу миңа барыннан да бигрәк ошады – олимпиада мондый төр биремнәрдән берничә форматта аерылып тора ". Олимпиаданы Group-IB, Acronis һәм "Тинькофф Банк" компаниясе хуплады. Индустрия белгечләре финалистлар белән финалның белем программасы кысаларында үз тәҗрибәсеннән кейслар белән уртаклаштылар.
«Тинькофф» кушымталарының куркынычсызлык буенча белгече Нияз Кашапов: «Олимпиадада катнашучыларның хәбәрдарлыгы һәм кызыксынуы дәрәҗәсен бик сөендерде. Күптән түгел бер югары уку йортының “Мәгълүмати иминлек” юнәлеше буенча беренче курс студентлары белән очрашуда булдым һәм анда андый җәлеп итүчәнлек күрмәдем.
Соңгы этап нәтиҗәләре буенча олимпиада җиңүчеләре һәм призерлары булып түбәндәгеләр танылды:
1 нче дәрәҗә диплом:
• Лукьянов Артур, 10 сыйныф, Татарстан
• Нечаев Николай, 11 сыйныф , Мәскәү
2 нче дәрәҗә диплом:
• Анисов Евгений, 10 сыйныф, Красноярск крае
• Романовский Максим, 9 сыйныф, Беларусь
3 нче дәрәҗә диплом:
• Цепа Степан, 11 сыйныф, Мәскәү
• Проскурников Никита, 11 сыйныф, Санкт-Петербург
• Федотов Иван, 10 сыйныф, Свердловск өлкәсе
Җиңүчеләр Иннополис Университетына кергәндә өстенлекләргә ия булачак.