Әлмәтлеләр ажиотаж оештырган Инженерлык лицеенда 4 беренче сыйныф ачылачак
Әлмәтнең инженерлык лицеенда булачак беренче сыйныф укучыларының ата-аналары баланы мәктәпкә укырга кабул итүгә документлар биргәндә моңарчы күрелмәгән шау-шу оештыруга бәйле рәвештә, дүрт параллель беренче класс ачарга һәм 120 бала кабул итәргә планлаштыралар. Бу хакта Әлмәт районы мәгариф идарәсендә хәбәр иттеләр.
«Яңа форматтагы мәктәп буларак, инженерлык лицее балаларда һәм ата-аналарда югары ихтыяҗга ия», - дип аңлатты вәзгыятьне мәгариф идарәсе җитәкчесе Ирина Павловская. Хәзерге вакытта шулай ук беренче сыйныфлар санын арттыру карала.
"120 кешене кабул итү планлаштырыла, әгәр гаризалар пропискасы буенча күбрәк килсә, тагын бер сыйныф ачылачак", - дип сөйләде агентлык әңгәмәдәше. Абый-апалары шул лицейда укыган балалар беренче сыйныфка кабул иткәндә өстенлекле хокукка ия.
Беренче чиратта шулай ук полиция хезмәткәрләренең һәм пропускасы шунда булган ата-аналардан гаризалар карала. Балалары бу беркетелгән территориядә пропискада булмаган һәм яшәмәгән ата-аналардан гаризалар әлегә кире кагыла. Аларга икенче агым вакытында гариза китерергә кирәк булачак.
Павловская сүзләренчә, беренче агым 1 апрельдән 30 июньгә кадәр уза; икенчесе — 6 июльдән 5 сентябрьгә кадәр. Беркетелмәгән территориядә буш урыннар булганда, балаларның ата-аналарыннан документлар кабул ителә. Быел беренче агымны алу турында приказ 1 июльдән 5 июльгә кадәр чыгачак. Иртәрәк яки соңрак гариза бирелгән булуы нәтиҗәгә йогынты ясамаячак.
"ЮВТ 24" мәгълүматлары буенча, быел 25 нче номерлы мәктәпкә гаризалар бирү өчен әлләни шау-шу күзәтелмәгән. Хәзерге вакытта беренче сыйныфка керүгә якынча 150 гариза бирелгән. Элек бу мәгариф учреждениесе якындагы микрорайоннарның ихтыяҗын каплаган иде. Хәзер инженерлык лицее күпсанлы балаларны үзенә тартты. Әлмәтнең 860 балага исәпләнгән инженерлык лицее 2020 елның 1 сентябрендә ачылды. Былтыр беренче кыңгырау 160 беренче сыйныф укучысы өчен тәүге тапкыр яңгырады. Әлмәтнең инженерлык лицеенда уку эшчәнлекнең җитештерү, инженерлык һәм мәгълүмат өлкәләренә юнәлдерелгән. Инде 1 сыйныфтан ук балалар информатиканы өйрәнәләр. Урта мәктәптә укыту планы күрсәтмә физиканы, күрсәтмә химияне, инженерлык графикасын үз эченә ала. 10 нчы сыйныфта укучылар универсаль яки технологик профильле сыйныфларда белем ала.