Мәгариф министрлыгы 2021 елда балаларның җәйге ялын һәм аларны сәламәтләндерүне оештыруга әзерлек буенча төбәкләргә методик тәкъдимнәр юллады
Вәкаләтле органнарга нәрсә тәкъдим ителде
● Оешкан ял белән максималь санда балаларны колачларга, шул исәптән авыр тормыш хәлендә булучыларны, яңа коронавирус инфекциясе белән авыручыларга ярдәм күрсәтүче медицина хезмәткәрләре һәм башка затларның балаларын, шулай ук коронавирус инфекциясе таралугауга бәйле рәвештә эшен югалткан ата-аналарның балалары.
● Бюджетларда балаларның ялы һәм сәламәтләндерү оешмалары инфраструктурасын үстерүгә, шул исәптән сәламәтлек мөмкинлекләре чикләнгән һәм инвалид белән балалар өчен шартлар тудыруга акча бүлеп бирергә.
● Төрле вәкаләтле органнар тикшерүләр уздырганда ачыкланган балаларның ялын һәм сәламәтләнүен оештыру өлкәсендәге законнар бозуларны билгеләргә.
● Каникул вакытында балаларның ялын оештыру өчен өстәмә белем бирү оешмалары һәм башка белем бирү оешмалары, мәдәният һәм спорт учреждениеләре белән хезмәттәшлек итәргә.
● Балаларны ял иттерү һәм сәламәтләндерү программаларына тәрбияви компонент кертергә.
● Балалар ялы мәсьәләләре буенча кайнар линияләр эшен тәэмин итәргә.
● Каникул вакытында яшүсмерләргә эшкә урнашуда ярдәм күрсәтергә.
● Оешкан ял вакытында балалар белән булган барлык бәхетсезлек очраклары турында Россия мәгариф министрлыгына хәбәр итәргә һәм ведомство тарафыннан үткәрелә торган сәламәтләндерү кампаниясе мониторингы кысаларында белешмәләрне үз вакытында тапшырырга.
● Педагогларның һәм вожатыйларның квалификациясен күтәрү, шул исәптән дистанцион форматта да.
Әти-әниләр балаларның ялын һәм сәламәтләнүен оештыруга кагылышлы мәгълүматны каян ала алалар
Методик тәкъдимнәр буенча вәкаләтле органнарның рәсми сайтларында ата-аналар өчен түбәндәге мөһим мәгълүмат урнаштырыла:
● Балаларны ял иттерү һәм сәламәтләндерү оешмаларының актуаль реестры.
● Балаларны ял иттерү һәм сәламәтләндерү өлкәсендә норматив хокукый актлар исемлеге.
● Әйдаманнар әзерләүче оешмалар турында мәгълүмат.
● Беренчел ярдәм күрсәтү нигезләренә өйрәтелгән балаларның ялы һәм сәламәтләндерү оешмалары хезмәткәрләре саны турында мәгълүматлар.
● Ял һәм сәламәтләндерүне оештыруга балаларны сайлап алу һәм җибәрү тәртибе.
● Юлламаның бәясен компенсацияләү тәртибе, шулай ук Россия Федерациясе субъектлары башкарма хакимияте органнарының әлеге компенсацияләрне түләүче контактлы мәгълүматлары.
Ата-аналар өчен нәрсәне истә тотарга тиеш
Балаларның ял һәм сәламәтләндерү оешмаларына мөстәкыйль рәвештә юлламалар сатып алучылар өчен компенсация механизмы, шул исәптән эш урыны буенча балалар өчен юллмалар рәсмиләштерү һәм алу мөмкинлеге.
Шулай ук үз хезмәткәрләренең балаларын ял итүне һәм сәламәтләндерүне финанслаучы эш бирүчеләргә чыгымнарны каплау каралырга мөмкин, шул ук вакытта бу бала яшәгән территориядә генә түгел, ә аннан читтә дә булган ял һәм сәламәтләндерү оешмаларына сәфәрләр өчен түләүгә дә кагыла.
Балаларның ялы һәм аларны савыктыру оешмаларына ярдәм итүнең башка чаралары
● Аларны ябуга юл куймаска, яңадан теркәргә.
● Оешма җитәкчеләренә федераль һәм төбәк дәрәҗәләрендә дәүләт ярдәменең гамәлдәге чаралары турында мәгълүмат бирергә.
● Реконструкция, капиталь һәм агымдагы ремонт эшләрен үз вакытында оештыруны тикшереп торырга.
Шулай ук түбәндәгеләргә юнәлтелгән чаралар кабул итү мөмкинлеген карарга тәкъдим ителде:
● Балаларны ял итү һәм сәламәтләндерү өчен инфраструктураны модернизацияләү проектларын гамәлгә ашыруга инвесторларны җәлеп итү өчен шартлар тудыру.
● Ял һәм сәламәтләндерү хезмәтләрен күрсәтүче муниципаль һәм дәүләт учреждениеләре өчен булган салым салу шартларын әлеге өлкәдә башка оешмаларга тарату.
● Җир салымы, җир кишәрлекләре өчен аренда түләүләре, мөлкәткә салым, шулай ук балаларның ялы һәм сәламәтләндерү өлкәсендә электр энергиясе өчен түләүгә бердәм тарифлар буенча ташламалар билгеләү.
Коронавирус инфекциясе таралу куркынычын исәпкә алып, балаларны ялы һәм сәламәтләндерү ничек оештырылачак
Балаларның көндез ял итү һәм сәламәтләндерү оешмалары өчен куркынычсызлык чаралары:
● Һәр сменаны ачу алдыннан барлык биналарны генераль җыештыру.
● Балалар саны буенча чикләүләр: бер отрядта 1-4 нче сыйныфларның 25 баласы һәм өлкәнрәк яшьтәге 30 бала булырга мөмкин.
● Балаларның ялы буенча ике режим:
– 8:30 дан 14:30 га кадәр, ике тапкыр туклану (иртәнге аш һәм төшке аш);
– 8:30 дан 18:00 гә кадәр, ун яшькә кадәрге балалар өчен мәҗбүри көндезге йокы (башка яшьтәге балалар өчен дә тәкъдим ителгән), өч тапкыр ашау (иртәнге аш, төшке аш, көндезге аш).
● Барлык биналарга һәм ашханәгә кергәндә кул юу өчен антисептик чара белән дозаторлар.
● Балаларның һәм хезмәткәрләрнең мәҗбүри термометриясе булган көндәлек "иртәнге фильтр".
● Ата-аналар (опекуннар) яки ашыгыч ярдәм килгәнче, респиратор авырулары һәм гәүдәнең югары температурасы билгеләре булган балаларны кичектергесез изоляцияләү.
● Көндәлек җыештыру, бүлмәләрне җилләтү, һаваны дезинфекцияләү.
● Шәхси саклану чаралары (битлек, перчатка) белән азык-төлек блоклары персоналын тәэмин итү.
● Балаларны гигиеник тәрбияләү эше.
● Чараларны максималь рәвештә ачык һавада үткәрү.
Стационар ял һәм сәламәтләндерү оешмаларында:
● Һәр сменаны ачу алдыннан барлык биналарны генераль җыештыру.
● Барлык балаларның һәм хезмәткәрләрнең смена чорында бер үк вакытта килүе. Сменалар алмашыну арасында тәнәфес – кимендә ике календарь көн. Лагерь чикләреннән чыгу (чыгу) смена чорында рөхсәт ителми.
● Һәр сменага персонал яңа коронавирус инфекциясенә тикшерелгәннән соң гына рөхсәт ителә.
● Азык-төлек цехында эшләүчеләр шулай ук эчәк инфекцияләрен вируслы кузгатучылар булуга тикшерү узарга тиеш. Балаларны кабул итүче барлык хезмәткәрләр, азык-төлек блогы персоналы, медицина һәм техник персонал индивидуаль саклану чаралары (битлекләр, перчаткалар) белән тәэмин ителгән булырга тиеш.
● Төркемнәрнең, отрядларның тулылануы буенча чикләүләр каралган (оешманың проект сыйдырышлылыгыннан 75% тан артмаган), биналарда дистанция саклауны максималь үтәү каралган. Мәсәлән, һәр отрядка аерым бина беркетелә. Смена дәвамында лагерьда тәүлек буе кимендә ике медицина хезмәткәре (табиб һәм шәфкать туташы) булырга тиеш.
● Бала һәм хезмәткәрләрнең мәҗбүри термометриясе булган көндәлек "иртәнге фильтр" булырга тиеш.
● Барлык биналарга һәм ашханәгә кергәндә кулларны антисептик чаралар белән эшкәртү дозаторлары билгеләнә.
● Бүлмәләрне җыештыру, җилләтү, шулай ук һаваның дезинфекциясе даими башкарылырга тиеш.
● Ата-аналар (опекуннар) яки ашыгыч ярдәм килгәнче респиратор авырулары һәм гәүдәнең югары температурасы билгеләре булган балаларның кичекмәстән изоляциясе каралган.
● Балаларны гигиеник тәрбияләү буенча педагогик эшне көчәйтү.
● Чаралар ачык һавада максималь рәвештә уздырыла. Массакүләм чаралар, ата-аналарга йөрүне дә кертеп, төшереп калдырыла.
● Шәһәр читендәге балалар лагерена транспортта илтү тәэмин ителергә тиеш.
Лагерьга кергәндә баланың сәламәтлеге торышы турында нинди документлар булырга тиеш
● Прививкалар, кичергән авырулар, шул исәптән йогышлы авырулар турында белешмәләр (форма 079/у).
● Йогышлы, шул исәптән коронавируслы инфекцияле авырулар белән элемтә булмау турында медицина белешмәсе лагерьга бару вакытына кадәр 21 көн эчендә (079/у формасы).
Быел балаларны шул исәптән иң танылган балалар лагерьлары - «Артек» , «Орлёнок», «Океан», «Смена» кабул итә
Элегрәк "Орлёнок" директоры Александр Джеус хәбәр иткәнчә, агымдагы ел дәвамында лагерь чикләүләре сакланса, 12 мең бала кабул итәчәк. Ул шулай ук билгеләп үткәнчә, "Орлёнок" лагерьны тулысынча йөкләнеш вакытында да кирәкле куркынычсызлык дәрәҗәсен тәэмин итә ала. 2021 елда «Артек»та 15 смена үткәрү, 32 меңнән артык бала өчен ял оештыру планлаштырыла. Эпидемиягә каршы чаралар кысаларында лагерьда "яшел коридорлар" һәм дүрт бусагалы медицина контроле кулланыла.
Баланы Россия мәгариф министрлыгы карамагындагы балалар үзәкләренә ничек җибәрү турында тулырак мәгълүматны түбәндәге рәсми сайтларда табарга була: https://okean.org/, https://center-orlyonok.ru/, http://www.smena.org/, https://artek.org/.
Балаларның җәйге ялын оештыруның башка мөмкинлекләре
Җәй көне балалар өчен төрле кызыклы чаралар һәм программалар «Кванториум» технопарклары, «ИТ-куб» үзәкләре, «Үсеш ноктасы» цифрлы һәм гуманитар профильле белем бирү үзәкләре һәм төрле мәдәни учреждениеләр (музейлар, китапханәләр) кебек өстәмә белем бирү оешмалары базасында да гамәлгә ашырыла. Мәсәлән, Томскның «Кванториум» балалар технопаркы шәһәр читендәге лагерьга чыгып тематик сменалар оештыра, шулай ук шәһәрнең яшь кешеләре өчен үстерешле программаларны гамәлгә ашыра.