Әлмәттән һәм Чаллыдан ике укучы география буенча бөтенроссия олимпиадасы призерлары булды
16-22 апрельдә Липецк шәһәрендә география фәненнән бөтенроссия мәктәп укучылары олимпиадасының йомгаклау этабы узды.
Ул П.П. Семенов-Тян-Шанский исемендәге Липецк дәүләт педагогика университеты базасында узды.
География буенча олимпиадада илнең 64 төбәгеннән 265 катнашучы катнашты. Татарстан данын Казан, Чаллы, Әлмәт һәм Түбән Камадан 9-11 сыйныфның 6 укучысы яклады.
Олимпиада өч ярыш турыннан торды. 4 сәгать дәвамында теоретик тур П.П. Семенов-Тян-Шанский исемендәге ЛДПУ аудиторияләрендә узды. Практик тур ачык урында оештырылган иде: аның озынлыгы – 3 чакрымга якын. Олимпиада тест туры белән тәмамланды
Олимпиада нәтиҗәләре буенча Татарстаннан 2 катнашучы призер булды:
- Кәрим Галиуллин, Әлмәт шәһәренең 16 нчы урта гомуми белем мәктәбенең 11 сыйныф укучысы;
- Роман Трофимов, Чаллының 77 нче гимназиясенең 9 сыйныф укучысы.
Призерларны, аларның остазларын яхшы нәтиҗә белән котлыйбыз һәм киләчәктә дә уңышлар телибез!