Казанда яшь укытучыларга багышланган тантаналы чара узачак
13 августта Татарстан мәгариф хезмәткәрләренең республика август киңәшмәсе кысасында Казанда «Адымнар» полилингваль белем бирү комплексы базасында педагогик хезмәткәрләр өчен «Укытучының һөнәри үсеше һәм карьерасы. Яшь педагогларны «Укытучы» һөнәренә багышлау тантанасы узачак.
Секция программасында белем бирү процессында катнашучыларны психологик яктан өйрәтү буенча төркемле укыту чаралары каралган, яшь педагогларның ТР мәгариф һәм фән министры Илсур Хәдиуллин белән традицион очрашуы узачак. Яшь укытучылар министрга үзләрен кызыксындырган сорауларны бирә алачак.
Секциянең иң мөһим чараларыннан берсе - югары уку йортларын тәмамлаучыларны «Укытучы» һөнәренә багышлау тантанасы.
Тантанада яшь педагогларга ТР Президентының һөнәри үсеш өчен мөрәҗәгате һәм әдәбияты тапшырылачак.
2021 елның сентябреннән республика мәктәпләрендә эшкә керешкән барлык чыгарылыш сыйныф укучылары исеменнән яшь педагоглар тантаналы рәвештә өч телдә ант итәчәкләр (рус, татар һәм инглиз телләрендә).
Тантаналы чара яшь педагогларның гимнын башкару белән тәмамланачак.