"Санлы һөнәрләр" проекты 1 сентябрьдә старт алды
Сентябрь аенда "Санлы һөнәрләр" проектының 29 яңа программасы буенча укулар башланды. Проект "Цифрлы икътисад" милли программасының бер өлеше булып тора һәм ИТ-белемне ярты бәясеннән алу мөмкинлеге бирә, дип хәбәр ителә РФ Мәгариф һәм фән министрлыгының матбугат релизында.
Аерым алганда, DataScience, Веб-аналитика, ProductManager, мобиль эшләнмә, Python, мәгълүматларны анализлау технологияләре, тестлаштыру, ясалма интеллект технологияләре, Веб-эшләнмә, C++ эшләүчесе һәм башка курслар ачылды. Аларны Нетология, Яндекс.Практикум, Иннополис Университеты, ИТМО, НТИ, Инвольт белем бирү компетенцияләре үзәге тәкъдим итә.
Уку елы башында, гадәттәгечә, укыту программаларына ихтыяҗ арта.
Проектта урта һөнәри яки югары белем турындагы диплом белән 16 яшьтән өлкәнрәк Россия гражданнары катнаша ала. Тыңлаучылар программаны каталогта сайлаганнан соң һәм килешү нигезендә курс бәясенең 50 процентын түләгәннән соң үтә алачаклар. Хәзерге вакытта программаның бәясе 18 мең сумнан башлана.