Көектәге "Алгоритм" исемле лицейга яңа юл һәм тротуарлар салынган

2021 елның 2 сентябре, пәнҗешәмбе

Татарстанның Питрәч районының Көек авылында яңа «Алгоритм» лицеена яңа юл һәм тротуарлар салынган. 

"Өч көн эчендә 780 метр юл төзекләндерелде, 2 катлам асфальт салынды, тротуарлар ремонтланды. Эш тәүлек әйләнәсе алып барылды", — дип билгеләде Агентлык чыганагы.

Якын арада куркынычсызлык белән бәйле мәсьәләләрне хәл итү планлаштырыла: юл билгеләре куелачак, ясалма тигезсезлекләр һәм җәяүлеләр кичү юллары төзекләндереләчәк.

Урам утларын төзекләндерү дә планлаштырыла.