Татарстанда 24 мәктәп РФС һәм Мәгариф министрлыгы «Мәктәптә футбол» проектында катнаша
Агымдагы елның 1 сентябреннән Россиянең 150 гомуми белем бирү мәктәбендә «Мәктәптә Футбол» проекты старт алды. Татарстанда футбол белән шөгыльләнү республиканың 24 мәктәбендә уздырылачак, дип сөйләделәр ТР футбол федерациясендә. Футбол дәресе бу мәктәпләрдә өченче физкультура дәресе булачак яки дәрестән тыш вакытта үткәреләчәк.
"Мәктәптә футбол" - Россия Мәгариф министрлыгы һәм Россия футбол берлегенең уртак проекты. Татарстаннан тыш, Футбол дәресләре Россиянең тагын җиде төбәгендә – Әстерхан, Волгоград, Түбән Новгород, Свердловск һәм Ярославль өлкәләрендә, Чуваш Республикасында һәм Санкт-Петербургта гына үткәрелә.
РФСның "Мәктәптә футбол" проектында катнашучы барлык мәктәпләргә дә үз акчалары хисабына футбол дәресләрен үткәрү өчен кирәкле спорт инвентаре китерелә. Футбол белән шөгыльләнү малайлар өчен дә, кызлар өчен дә уздырылачак.