Татарстанда өстәмә чорда 40 чыгарылыш сыйныф укучысы БДИ тапшыра
2021 елның сентябрендә төп чорда мәҗбүри предметлар буенча минималь чикне узмаган һәм аттестат алмаган чыгарылыш сыйныф укучылары өчен урта гомуми белем бирү программалары буенча дәүләт йомгаклау аттестациясенең өстәмә чоры үткәрелә. Татарстан Республикасы Дәүләт имтихан комиссиясе карары буенча 40 кеше имтиханнарга кертелгән.
Имтихан үткәрү пункты 6003 нче номерлы Казан шәһәре Совет районының П.А. Полушкин исемендәге 101 нче номерлы урта гомуми белем бирү мәктәбе базасында оештырылган.
2021 елның 3 сентябрендә 11 (12) сыйныф укучылары рус теленнән дәүләт чыгарылыш имтиханы (алга таба – ГВЭ) тапшыра. Катнашучылар саны-26 кеше. Имтиханның озынлыгы 2 сәгать 30 минут.
2021 елның 6 сентябрендә 11 (12) сыйныфны тәмамлаучылар математикадан БДИ тапшыралар. Катнашучылар саны-29 кеше. Имтихан 2 сәгать дәвам итә.
Имтихан 10.00 сәгатьтә башлана.