Сергей Кравцов "Яңа белем" марафонында катнашучыларга ил тарихында укытучының роле турында сөйләде
Россия Федерациясе мәгариф министры Сергей Кравцов «Яңа белем» II Федераль агарту Марафоны кысаларында лекция үткәрде. Ул Россия укытучысы тарихында мөһим этаплар һәм күренекле педагоглар турында сөйләде, шул исәптән 2023 елда 200-яшьлеген билгеләп үтәчәк Россия фәнни педагогикасына нигез салучы Константин Ушинскийны да искә алды.
Мәгариф һәм фән министрлыгы башлыгы ассызыклаганча, ил икътисады, җәмгыять, тулаем дәүләт үсеше нәкъ менә мәгариф системасына бәйле, ә укытучының остазы, үсеп килүче буын тәрбиячесе роле киләчәктә дә сакланачак.
Бүгенге көндә мәктәп укучыларын ни өчен күбрәк колледжлар сайлавы турындагы сорауга җавап биреп, Министр Россия Мәгариф һәм фән министрлыгының «Профессионалитет» яңа программасы укучыларга ике ел ярым эчендә яхшы һөнәр алырга һәм гарантияле эшкә урнашырга мөмкинлек бирәчәк, дип билгеләп үтте.
Сергей Кравцов шулай ук мәгариф министрлыгы Россия Федерациясенең Үзәк банкы белән берлектә финанс грамоталылыгы буенча дәрестән тыш курс эшләгәнен хәбәр итте.