Татарстан делегациясе «Зур тәнәфес» Бөтенроссия конкурсының ярымфиналында катнаша
12-16 сентябрьдә Пензада беренче тапкыр 2020-2021 уку елының 1-3 курс студентлары арасында «Зур тәнәфес» Бөтенроссия конкурсының ярымфиналы уза.
Ярымфиналны оештыручылар: «Большая перемена» АКБО, РФ Мәгариф һәм фән министрлыгы, Россия Яшьләр эшләре һәм спорт министрлыгы һәм конкурс партнерлары химаясендә «Россия - мөмкинлекләр иле» Президент платформасы.
Ярымфинал Россиянең 23 субъектыннан 700 катнашучыны берләштерде, шул исәптән 42 студент Татарстаннан. Татарстан җыелма командасына 15 урта махсус уку йортыннан, аерым алганда, Казан политехника көллиятеннән, Әлмәт политехника техникумыннан, Казан педагогика көллиятеннән, Кече бизнес һәм эшмәкәрлек көллиятеннән, Бөгелмә төзелеш-техник колледжыннан, Казан төзелеш көллияте, Казан технология һәм дизайн көллияте һ. б. студентлары керде.